Ku soo dhawoow shirkada Ari.farm – Ari.farm

Ku soo dhawoow shirkada Ari.farm

Ku soo biir suuqa casriga ah ee xoolaha Somalia

Shirkada Ari.farm waa shirkad Soomaaliyeed oo soo bandhigtay fikrad casri ah oo suuqa xoolaha Somalia u furaysa dhamaan dadka ku nool caalamka daafihiisa. Adiga oo gurigaaga jooga ayaad ka ganacsan kartaa suuqa xoolaha Somalia. Moobeelkaaga ayaad kala socon kartaa xaalada xoolahaaga iyo suuqa kala iibsiga xoolaha. Hadaba sidee u shaqaysaa Ari.farm:

  • Ari.farm waxay xanaanada xoolaha oo casri ah dhawaan ka dhistay duleedka Muqdisho, Somalia.
  • Meelkasta oo aad caalamka ka joogto ayaad bogga Ari.farm waxaad ka iibsan kartaa xoolaha (riyaha).
  • Marka aad iibsato xoolaha waxaa lagu daryeelayaa xanaanada xoolaha ee Ari.farm.
  • Moobeelkaaga ayaad kala soconaysaa xoolahaaga, caafimaadkooda, haddii ay uur leeyihiin, haddii ay dhalaan iyo wixii ku soo kordha internetka ayaad kala soconaysaa.
  • Haddii aad doonayso in aad iibiso xoolahaaga ama aad qof kale ku wareejiso moobeelkaaga ayaad ka samaynaysaa.

Hadaba sidee uga faa’idaysan kartaa fursada casriga ah ee Ari.farm? Cidkasta ayaa ka qeyb qaadan karta Ari.farm waxaad halkaan ka dalban kartaa xoolaha. Adiga oo riixaya Buy Animals.  Marka aad lacagta bixiso, ayaa laguu soo dirayaa aqoonsigii aad ku gali lahayd app-keena oo aad xoolahaaga kala soconayso. Qarash dambe kaa bixi maayo. Markii ay xoolahaaga ay dhalaan ayaad iibin kartaa adiga oo faa’iido ka heleya. Ari.farm waxay qaadanaysaa 40% lacagta aad ku iibiso xoolaha ilmaha ay dhalaan taasoo ah qarashka ku baxaya caafimaadka iyo cuntada xoolaha.

Hadaba haddii aad doonayso faahfaahin dheeri ah oo ku saabsan Ari.farm iyo adeegeena nagala soo xiriir info@ar.farm ama hadaba halkaan ka dalbo xoolaha. Tirada xoolaha aan booska u hayno waa xadidan tahay, sidaa darteed yaysan ku dhaafin fursadaan.

XANAANADA

Waxaan dhawaan duleedka Muqdihso ka dhisnay xanaanada xoolaha lagu daryeeli doono. Xanaanada ayaa ah mid casri ah oo loo naqshadeeyay si wanaagsan oo daryeelka xoolaha muhiimada la siinayo. Xanaanada ayaa waxaa ka shaqayn doona dad isugu jira reer miyi yaqaana sida xoolaha loo daryeelo iyo dad aqoon u leh xoolaha sida dhaqtarka xoolaha oo dawadooda iyo talaalkooda daryeeli doona.

Qorshaheenu waa in aan dhowr xanaano xoolaha aan ka sameyno daafaaha Somalia.

new-construction

 

BARNAAMIJKA (APP)

Ari.farm waxay hadda wadaa sameynta barnaamij casri ah oo dhamaan macaamiisheena u sahlaya in ay si fudud ay xoolahooda ugala socdaan mobileka ama kombutarkaaga meelkasta oo aad caalamka ka joogto. Barnaamijka ayaa noqonaya mid kuu sahlaya in aad:

  • Xoolahaahaga magac ula baxdo.
  • In aad daawato sawirada xoolahaaga marka ay uur yeeshaan ama ay dhalaan.
  • In aad xoolaha hadiyad u siiso qof kale.
  • In aad xoolahaaga ugu deeqdo dadka masaakiinta ah.
  • In aad iibiso ama aad soo iibsato xoolaha barnaamijka gudahiisa.
  • In aad la socoto qiimaha suuqa xoolaha.

app-mockup

XOOLAHA

Ari.farm waxaad ka iibsan kartaa ariga (riyaha) dhediga ah. Sababta aan ku dooranay riyaha ayaa ah in ay yihiin kuwo si baahan looga heli karo daafaha Somalia, isla markaana ah xoolo wax soo saar badan oo macaamiisha faa’iido ugu jidho.

  • Qiyaastii 13 milyan oo riyood ayaa ku nool Somalia.
  • Neefka labka ah waxaa la yiraahdaa “orgi”.
  • Kan dhediga ah waxaa la yiraahdaa “ri ama ceesaan”.
  • Neefka caruurta ah waxaa la yiraahdaa “waxar”.
  • Riyaha dhediga ah waxay ku qaangaaraan 4 ilaa 12 bilood, taasoo ku xiran caafimaadkooda, cuntada iyo xiliga ay dhasheen.
  • Riyaha dhediga ah waxay uur qaadaan 145 ilaa 152 maalmood (qiyaastii 5 bilood).
  • Riyahu waxay mararka qaar dhalaan mataano ama ka badan.
  • Riyahu waxay noolaadaan 8 ilaa 12 sano, iyadoo qaarkood ay gaaraan 15 sano.

Ari.farm waa shirkad Soomaaliyeed oo si sharci ah uga diiwaan gashan wadanka Sweden.


2016 © Ari.farm | BOX 142, 114 79 Stockholm, Sweden | Af-Soomaali | Terms & Conditions